Do të duhej të fluturonin, por Malev nuk ka më para t’i ngris aeroplanët në ajër. Janë telashet financiare ato që detyruan kompaninë ajrore nga Hungaria, ta ndërpresë operimin. Ky vendim që vjen si pasojë e borxheve të mëdha, i paralizoi të gjitha fluturimet që kishin për destinacion Budapestin. Kreu i kompanisë, u mundua sadopak të largojë mjegullën nga situata e krijuar. Janos Berenyi, kryetar i bordit të drejtorëve të Malev tha se nëse mund të shmangen të gjitha këto gjëra të papritura, shpenzimet e pa kalkuluara, atëherë ne do të jemi në gjendje të fluturojmë, por nese nuk ia dalim, cdo gjë mund të ndodhë. Vendimi i Malev, u vërejt edhe në aeroportin e Prishtinës. Zyrat e kësaj kompanie u mbyllën dhe nuk u panë udhëtarë të saj të prisnin në terminal. Për të gjithë klientët Malev, kishte lënë vetëm këtë porosi, me të cilën u kërkon falje për këtë situatë, dhe u premton zgjidhje për biletat. .
 

< Paraprake		Pasuese >